大马官方首次国外合办亲试5款名种榴槤放题

2020-06-30    收藏791
点击次数:839

大马官方首次国外合办亲试5款名种榴槤放题

早两日有间专卖猫山王榴槤嘅公司搞咗全港首个榴槤放题,畀你用低于一个猫山王嘅价钱任食到饱为止,身为榴槤迷嘅笔者梗係二话不说报名参加。了解相关详情之后,原来活动除咗畀你任食,仲有其他香港少见嘅品种介绍同试食(所以都係任食)。丧食之余仲学到嘢,正喎!

去到活动当日,笔者先知道马来西亚联邦农业促销局(FAMA)有份合办。据负责人所指,呢个亦係当地政府首次与私人机构合作搞嘅榴槤放题,因此唔单止价钱特别抵,仲有一啲香港从未进口嘅品种出现。

大马官方首次国外合办亲试5款名种榴槤放题

榴槤放题提供5个唔同品种嘅榴槤,除咗香港人成日食到嘅D24苏丹王、D197老树猫山王之外,仲有888纯种老树、D101红肉同D13金包。活动开始时,大会先每种安排一件畀大家,然后由淡至浓逐一解释其特点,并请大家顺序试食。

大马官方首次国外合办亲试5款名种榴槤放题

纯种老树(888)

有名你叫「纯种」,佢真係马来西亚榴槤嘅「始祖」,从未经接技改良,唔似其他D字头咁通常用接枝培植出嚟。根据官方资料,佢果肉比较淡色,口感偏实,味道偏甜。主要用于製作其他榴槤製品,就算喺马来西亚都极少直接拎嚟食,今次更首度入口香港。笔者依大会指示第一款就先食佢,感觉特别,係笔者食咗十几年榴槤以来,首次用「清甜」嚟形容榴槤。

大马官方首次国外合办亲试5款名种榴槤放题

大马官方首次国外合办亲试5款名种榴槤放题

金包(D13)

相比红肉,金包果肉浅色少少,官方话纤维量较少,甜度高。依笔者实际所见,金包果肉的确较有光泽,食落去非常之甜,好似落咗蜜糖咁,但呢阵甜味当然係充满榴槤香啦!

大马官方首次国外合办亲试5款名种榴槤放题

大马官方首次国外合办亲试5款名种榴槤放题

老树猫山王(D197)

马来西亚榴槤中嘅极品当然要数猫山王,佢果肉比较细小,核亦同样细。除咗果味最浓,佢仲口感细滑、入口即溶,而回甘感比D24亦更强,味道层次最为丰富。今回试食嘅全部都係30年树龄嘅老树猫山王,主办方表示会佢会浓到揦脷,回甘时间更长更浓烈。笔者食完都完全认同,之后返转头食返D24,竟然觉得D24冇乜味!呢个时候心里面忽然出现「返唔到转头」五只字。

今次不但有机会试晒最名贵同埋闻所未闻嘅榴槤品种,仲可以食到完全满足为止,更重要係收费连一个猫山王都唔使!喺几种榴槤当中,笔者印象最深嘅係最啖味(相对)嘅纯种老树,以及红肉两种。前者味道虽然偏淡,但清甜感觉令人一试难忘;后者又香滑又甜,不论口感定味道都令人再三回味。至于金包,笔者唔算特别锺意,不过佢甜度高得嚟又几讨好,锺意食甜嘅朋友一定好啱。如果要去到有强烈回甘感觉,苏丹王同老树猫山王係最好选择。老树猫山王更加浓到有啲揦脷,如果唔係资深榴槤友都未必顶得顺。当然,人人口味各有不同,相信大部份榴槤友都会锺意食最贵嘅老树猫山王。

呢一造榴槤本身只係去到9月,所以9月初再搞两日榴槤放题活动之后,就要等到下年先再有机会。喺笔者收笔呢一刻,有关方面表示9月活动名额已经爆满,视乎场地同成本等问题睇吓会唔会加位。如果大家未报到名又想参加,就有密切留意佢哋公司Facebook专页。

最后仲想提多一点,是次活动得到官方赞助之余,仲係佢哋举办嘅榴槤嘉年华一部份,时间刻意与当地同步举行,睇嚟马来西亚好着重香港市场喎!以后各大榴槤迷似乎有口福喇。

大马官方首次国外合办亲试5款名种榴槤放题
◆ 今次活动係同马来西亚联邦农业促销局(FAMA)合办,所以先咁抵同埋有咁特别嘅品种食咋。 大马官方首次国外合办亲试5款名种榴槤放题
◆ 大会準备埋介绍呢5个品种嘅小册子。大马官方首次国外合办亲试5款名种榴槤放题
◆ 有得任食,仲安排埋游戏玩,赢输都有猫山王送!大马官方首次国外合办亲试5款名种榴槤放题
◆ 如果唔够喉,仲可以低于市价5折买多啲返去食。

相关文章  RELEVANT ARTICLES